Akurnesingar taka af skarið!

Vonarneisti hefur kviknað á Akranesi. Ég tek undir þessi skorinorðu ályktun Akurnesinga.

Vonandi fylgja þau þessu eftir. því mikil hætta er á því að þetta dagi uppi hjá svæfingalækninum Ingibjörgu Sólrúnu.

Hefði mátt stilla Ingibjörgu Sólrúnu upp með Sjálfstæðisflokknum.

Myndi jafngilda stjórnarslitum

Athugasemdir

[Ólafur I Hrólfsson (IP-tala skráð) 3.12.2008 kl. 00:37]

Svei þér Þórður - Það voru margir uggandi þegar Geir samdi við Samfylkinguna og töldu samkomulag við VG yrði farsælla - erfiðara að koma því á en traustara.  Síðan hefur það gerst að Ingibjörg Sólrún hefur hastað á 2 af ráðherrum sínum sem töluðu galgopalega - kanski vegna þess að það þykir vænlegur kostur að skipta þeim út - Ég trúi því ekki að óreyndu að Ingibjörg láti ótímabæra ályktun Skagamanna slá sig út af laginu.  Kosningar næstu 12-18 mánuðina væri slíkt glapræði að jaðraði við landráð.  Hver sá sem heldur að Geir Haarde beri ábyrgð á heims"kreppunni" hefur meira álit á honum en ég og er álit mitt á manninum þó verulegt.  Fólk má ekki láta ábyrgðarlausa fjölmiðlunga villa sér sýn.  Það sem Geir og Ingibjörg eru búin að gera og eru að gera er að mínu mati hreint og klárt kraftaverk og allt bendir til þess að árangurinn verði sá skellurinn verði minniháttar í samanburði við það hvernig málin litu út fyrir nokkrum vikum síðan.  Svei ykkur Skagamenn - öðruvísi mér áður brá þegar Skagamenn voru baráttuglaðir og lögðu sitt af mörkum til samfélagsins - kanski er gengi ÍA merki um hnignun á Skaganum.  Vonandi ekki.

Svo er annað Þórður- við tölum um Akurnesinga - ekki Akranesinga - lítil villa kanski - og mun minni en innihald skrifa þinna.

[Þórður Runólfsson, 3.12.2008 kl. 01:28]

Tali hver fyrir sig og Akurnesingar skal það vera.

Mér sýnist ennþá vera baráttugleði á Akranesi og hefði sú baráttugleði mátt ríkja hjá Geir og Ingibjörgu fyrr. Ekki eigna ég Geir heimskreppuna, enda álit mitt ekki hátt á hans verkum, en ég eigna honum ásamt þeim sem með honum hafa starfað og starfa í dag þá miklu ógöngur sem Íslensk þjóð er kominn í í dag. Það velkist enginn um það í dag að yfir ísland hefði riðið heimskreppa en það að við séum ölmusufólk hjá Færeyingum nær langt út fyrir þann raunveruleika sem hér ætti að ríkja í dag.

Það að Geir og Ingibjörg hafi rifið sig upp af rassinum þegar allt var komið í strand var það minnsta sem þau gátu gert sjálfs sín vegna og vegna þeirra sem kusu þau til verka á hinu háa Alþingi. En það var bara um seinan.

Að tala um glapræði ef boðað verði til kosninga er bara firra eins og það sé ekki til annað fólk til þarfra verka.

Það búa 320.000 mans hér á þessu landi og á meðal þeirra býr fólk sem er jafnhæft ef ekki hæfara til að sinna þeim verkum sem framundan eru.